De hepatis carcinomate ... / auctor Carolus Adolfus Wolff.

  • Wolff, Carluis Adolfus.
Date:
[1858?]
Catalogue details

Licence: Public Domain Mark

Credit: De hepatis carcinomate ... / auctor Carolus Adolfus Wolff. Source: Wellcome Collection.

    5/34
    Pathologica anatomia. Hepar saepe est sedes carcinomatosorum exsudatorum atque hac ratione proxime ad uterum et mammam accedit. Cruveilhier hepatis carcinoma vel frequentissimum hepa¬ tis morbum significavit, quum ab aliis hepatitis, hepar adiposum, cirrhosis crebriores existimentur hepatis morbi. Hepatis carcinoma saepe primarium est, multo sae¬ pius vero secundarium. Namque praeter carcinomatosa in hepate exsudata etiam eiusmodi in aliis corporis orga¬ nis neoplasmata reperiuntur. Multis in casibus sit sane hepar primum organon quod corripitur, saepe vero vici¬ norum carcinoma organorum hepar petit, inprimis ventri¬ culi, peritonaei, renum, pancreatis, glandularum retro- peritonaealium,aut elementa carcinomatosa e remotioribus corporis partibus carcinomatose affectis infectione, quae dicitur, universali, in hepar ducuntur. Secundarium morbum hepatis carcinomatosum saepe vena portae provocatum esse verisimile est, quippe qu^e elementa carcinomatosa in hepar ferat. Praeter hepatis enim carcinoma massae carcinomatosae spissae aut liqui¬ dae reperiuntur in vena portae, hepatis venis, ductibus biliferis, vena cava inferiore, quamquam pro certo res