Oratio ex Harveii instituto habita in aedibus Collegii Regalis Medicorum Londinensis, A.D. MDCCCXXXIX / a Petro Mere Latham.

  • Latham, P. M. (Peter Mere), 1789-1875.
Date:
[1839]
Catalogue details

Licence: Public Domain Mark

Credit: Oratio ex Harveii instituto habita in aedibus Collegii Regalis Medicorum Londinensis, A.D. MDCCCXXXIX / a Petro Mere Latham. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    5/28
    ORATIO HARYEIANA. Ne mirum vobis videatur, Auditores, me demandatum hoc mihi officium libenter suscepisse. Haud eram nescius quam in me esset mediocris dicendi usus, et ingenium impar vestrae voluntati et meae. Cum tamen putarem hoc oratorium meum munus potissimum pos- tulare, ut annales vestros respicerem, et ab iis deli- gerem quos praecipue viros admirati estis et quorum memoria vestris semper inhaerescit mentibus, tum probe intellexi minime vos vel allici oportere vel admoneri verbis; quoniam ipsis rebus datur aliquando dicendi quasi potestas quaedam, et sua vis admonitionis inest in exemplis. Ii mihi videntur fortunate vixisse, quibus contigit et suae frui laude sapientiae, et fundatoribus esse bene moratae cujusdam familiae, in qua artes, quas ipsi in- genuas et coluerint et amaverint, coli et amari possent ab aliis, et exinde perpetua superesset avitae virtutis memoria et aemulatio. B