Commentatio de morbis hominis dextri et sinistri ... / Car. Frid. Ed. Mehlis.

  • Mehlis, Karl Friedrich Eduard, 1796-1832.
Date:
1818
Catalogue details

Licence: Public Domain Mark

Credit: Commentatio de morbis hominis dextri et sinistri ... / Car. Frid. Ed. Mehlis. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    5/120 (page 5)
    Praefatio* §. 1. Inter ea, quae corporibus propria forma gaudentibus quam maxime generaliter accedunt, conformatio etiam offertur magis minusve symmetrica. Eiusque varius modus tria naturae scrutatoribus acc6pta regna quodammodo dirimit. Crystallus enim, quem a globo ab omni parte sibi aequali deducere licet, dummodo perfectam eius evolutionem nullum praehibuerit impe- dimentum externum, symmetria insignis est ad omnes tres di- mensiones conspicua; eadem in regnorum organicorum nonnisi maxime imperfectis formationibus recurrente. Plantae ac anima- lis autem si contemplaris habitum totalem, illius partes reperis ad duplicem modo dimensionem esse symmetricas, huius vel non- nisi dextras et sinistras sibi correspondere. Infimi tantum ordi- nis animalia plantis ab hac'parte prope stant, quod et dextra at- que sinistra et antica atque postica facies pariter sit constructa; superiorum cum anticas et posticas tum superiores et inferiores partes quae intercedit, analogia«) minor est et symmetiiae nomi- nis utique indigna. Utut vero duo haec regna non ita sibi sese ad- jungunt, ut planta suprema animali infimo annectatur, sed magis iuxta incedunt, habitus quoque ille animali ceterum peculiaris et in plantarum serie hic illic plus minusve emergit. Quae dextri sinistrique corporis aequalis conformatio, quod e praemissis iam colligere licet; inter animalia in homine nequaquam maxime excel- lit, sed in ipsis eorum imperfectioribus, hominemque versus pe- detentim minuitur^). Primum in iis evolutum systema, digesti- vum, primum etiam dispositionem deserit summe symmetricam: quod reliquae deinde sequuntur vegetationem praecipue spectantes , a) Eam Meckelius prae ceteris egregie exposuit; v. ipsius Beitr. z. vergi. Anat. B. I. H. I. I8l2. p. 96 seq. et Handb. d. menschl. Anat. B. I. 18»5. p. 29 seq.