De polypis oesophagi atque de tumore ejus generis primo prospere exstirpato : commentationem / scripsit Albrecht Theodorus Middeldorpf.

  • Middeldorpf, Albrecht Theodor, 1824-1868.
Date:
1857
Catalogue details

Licence: Public Domain Mark

Credit: De polypis oesophagi atque de tumore ejus generis primo prospere exstirpato : commentationem / scripsit Albrecht Theodorus Middeldorpf. Source: Wellcome Collection.

    10/36 (page 4)
    descripsimus, hypertrophia quaedam stratorum, quae in cartilaginis cricoideae perichondi-io vel in oesophagi membrana musculari sunt, quorum elementa ad unum omnia etiam in tumore invenimus, primum orginis fundum exhibet unde oesophagi poljpi in profundum crescunt. Quum ejusmodi tumores jam tempore, quo initia capiunt, molestias parare aegrotis probabile sit, hi facile originis tempus afferre poterunt. Aegrotus ille Rokitanskii ex duobus mensibus deglutitione difficili labo- rabat, contra meus ex duobus annis, Dallasii aegrotus vel ex.pluribus annis de molestiis inter glutiendum querebatur, simulque inter spirandum et lo- quendum incommoda sentiebat. Lesueuri ac Vateri aegroti jam longe ante djsphagia affecti erant. Magnitudo tumorimi varia erat. Aequabat enim in alio unius digiti longitudinem (apud Vimont), accedente latitudine 2% in alio Roki- tanskiano, 6 — 1 in meo, 6 denique in casu Dallasiano. Forma erat vermiformis (Schmieder) ^ simpliciter cjlindrica, in clavae speciem facta, accedente latitudine \ % (Vimont, MiddeldorpfJ, leYiteT incisa (Rokitanskij) vel lacinias segregatas exhibens (Dallas). Superficies erat iniqua, eminentiis rotundis obtecta et mox passim pa- pillares vel verrucosas luxuriationes excoriationesque (Middeldorpf), mox laevem, solidam ac splendidam membranam exhibebat, per quam colore badio polypi massa sanguine turgens micabat (Rokitansky, Middeldorpf). Consistentia erat tenax, mollis atque elastica^ de subtiliore structura microscopica semel tantum adhuc observata infra disputabimus ubi de po- Ijpo operatione remoto verba faciemus. Mutationes pathologicae, quas polypus ipse subit, plerumque hae sunt. Primum enim motibus inter glutiendum, deinde cibis desuper prae- tereuntibus, denique gravitate, dum crescit, in longum ac deorsum trahitur. Quae res haud exiguum momentum in ejus formam habent, ut in eo ex parte eaedem, ex parte contrariae rationes inveniantur, quam quae in in- testini recti polypis adsunt. In iis enim aegroti corporis alieni ejiciendi, incitamentum persentiunt, in illo autem corpus alienum deglutire conantur; in utroque vero casu petiolum trahunt atque extendunt, quae extensio etiam cibis faecibusque praetereuntibus augetur. Verumtamen inter utrumque