Disquisitiones de liene : commentatio quam ad veniam docendi in Academia Fridericiana Halensi cum Vitebergensi sociata rite impetrandam gratiosi medicorum ordinis consensu et auctoritate die XXVI. mensis Octobris anni MDCCCLXI hora Xi / publice defendet Franciscus Schweigger-Seidel.

  • Schweigger-Seidel, Franz, 1834-1871.
Date:
[1861]
Catalogue details

Licence: Public Domain Mark

Credit: Disquisitiones de liene : commentatio quam ad veniam docendi in Academia Fridericiana Halensi cum Vitebergensi sociata rite impetrandam gratiosi medicorum ordinis consensu et auctoritate die XXVI. mensis Octobris anni MDCCCLXI hora Xi / publice defendet Franciscus Schweigger-Seidel. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    26/38 (page 22)
    fert; fibrae enim pro subtilitate iis, quae in folliculis inveniuntur, similes sunt. Quamobrem in illo reti in conspectum producendo magna diligentia et cautione opus est, praesertim quum cellulae in eo sitae plerumque firmissime inhaereant. Qua in re haud parvi momenti est, qua ratione et quatenus lien induretur. Itaque de retis macularum latitudine nihil certi statuam, vel certos numeros non proferam; mihi quidem latitudo interdum maxime varia apparebat. In retis trabecu- lati fibris — quod me certo contendere posse puto — nuclei insunt, magis minusve ovati, qui aut unum aut plures nucleolos habent. Modo ne putes, nucleos semper in ipsis retis trabeculati nodis inesse, quod ii, qui cellulas telae coniunctivae radiatas et anastomosi inter se coniunctas adesse existimant, sumere videntur. In homine mihi minus perspicuos, quam in nonnullis animalibus nuclei se ostendebant, atque omnino variorum statuum et physiologicorum et pathologicorum vim et momentum negligenda non esse existimo, atque ipse libenter pro- fiteor, me saepe rem recte et clare intelligere non potuisse. Nam ad illam quaestionem subtilissimam dissolvendam longiore tempore et summa diligentia opus est et primum, quid alii iudicent videndum est. Billroth de tela intervasculari haec dicit: „ Ich lcann in feinen Knoten- punkten keine Kerne mit Bestimmtheit nacliweisen (wie schon in meiner fruheren Arbeit bemerkt).“ Ceterum si mea de tela intervasculari sententia, quod spero, etiam ab aliis confirmabitur et comprobabitur, haec res, quod illa nucleos continet, minus offendet. Ego quidem illam telam ad conglobatam lienis substantiam pertinere existimo, et quod ad hanc quidem attinet, recte sumi mihi videtur, eum, qui nucleos adesse negat, praeparatis non sufficientibus usum esse. Vaginae lymphaticae intumescentias, quae corpusculorum Malp. nomine appellantur, in arteriis tantum certae cuiusdam crassitudinis locum habere atque undique clausas esse videri, iam supra expositum est. Minimas vero arterias ex corpusculis Malp. egressas in rubram pulpam intrare, ibique in vasa capillaria diffundi, ii, a quibus antea hac de re disputatum est, sumserunt. Sed si accuratius quaeres, lias quoque arterias tenues vagina lymphatica circumvolutas esse et etiam capillaria in reti trabeculato inserta esse invenies. Arteriae i°'itur usque ad subtilissimos ramulos eodem reti trabeculato circifmdantur et hoc quidem est intervaseularis illa tela, quae canales venosos conter-