De cellulis antherarum fibrosis nec non de granorum pollinarium formis : commentatio phytotomica / auctore Joanne Ev. Purkinje.

  • Purkyně, Jan Evangelista, 1787-1869.
Date:
1830
Catalogue details

Licence: Public Domain Mark

Credit: De cellulis antherarum fibrosis nec non de granorum pollinarium formis : commentatio phytotomica / auctore Joanne Ev. Purkinje. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    21/102 (page 13)
    Valvulae in statu antherae juniori ad margines primum quidem penitus clausae ae concretae sunt; valvula hic tantum tenuior et fere ad epidermidem solam redacta esse solet, ita ut in hae quasi sutura dehiscentia futura praeformata sit. Respondet haec sutura externa valvularum margini folii, cujus metamorphosis anthera est. Ad suturam valvulae, cellulae, dum oblongae aut vasculares sunt, plerumque perpen- diculariter decurrunt, ab interna raphe valvulae quasi a puncto fixationis utrinque discurrentes, ita ut, si vim contractivam ad earum longitudinem agere cogites, suturae ruptura, ubi minima resistentia est, necessario sequatur. Altera directio qua vis valvulam aperiens agere videtur est ad paginam internam epidermidis perpendi- cularis, quo ejus superficies incurva in magis planam expanderetur. Tertia denique directio virium valvulam aperientium ad longitudinem totius antherae spectat, cel- lulis ad raphen longitudinalibus. Ita quidem, si vim contractilem solis cellularum membranis adscriberes jam inde ruptura suturae et valvularum dehiscentia explicari posset, quin opus videretur ad fibras ipsas et varias earum formas ac directiones re- currendi. Quum vero cellularum membranae tenuissimae sunt ac tenerrimae, et sua massa fibris longe inferiores, atque etiam in plurimis plantarum familiis plane disparere videntur fibris solis restantibus, hinc majoris eas momenti habere res ipsa monet. Ad functionem fibrarum enucleandam primum quidem fibrae considerandae sunt in antheris, ubi solae tantum absque cellulis reperiuntur. Offeruntur nobis hic primum endothecia fibris rectis confertis ad paginam epidermidis internam perpendicularibus absque cellulis, cujusmodi in permultis Papilionaceis observare licet. Si, dum loculus adhuc clausus est, fibras sibi late- ribus appressas ad expansionem lateralem tendentes repraesentes, tunc profecto earum vim tum ad suturam disrumpendam, tum, hac disrupta, ad valvulam evol- vendam et explanandam acturam esse facili inductione sequitur. Idem valet de fibris in asteriscos coordinatis, quae loculo clauso sibi approximatae radiatim diver- gentes elatere proprio in omnilateram tendunt expansionem. In endotheciis ubi fibrae singulae prostratae, diversa directione dispersae, paginae internae epider- midis affiguntur, jam valvulae dehiscentes late patentes demonstrant, elaterem fibra- rum eas ex statu involuto ad tantam expansionem rigore elastico explicuisse. Ubi fibrae arcuatae aut retinaculiformes cellulas oblongas subcylindricas ampleclentes parallelis perpendicularibus seriebus in valvularum margines aut potius, dum adhuc clausae sunt, in earum suturam protenduntur, tunc incurvae parte loculari magis approximatae pressionem elasticam experiuntur atque tendunt figuram curvilineam in rectilineam commutandi. Idem valet de fibris annularibus aut spiralibus cellulis