De varicocele : dissertatio inauguralis medica ... / publice defendet auctor Aemilius Stachelscheid ; opponentibus F. Fonck, G. Sarrazin, H. Martin.

  • Stachelscheid, Emil, 1826-
Date:
[1851]
Catalogue details

Licence: Public Domain Mark

Credit: De varicocele : dissertatio inauguralis medica ... / publice defendet auctor Aemilius Stachelscheid ; opponentibus F. Fonck, G. Sarrazin, H. Martin. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    19/32 (page 19)
    2) Ligatura n) post culis scrotalis incisuram. Ad venas obliterandas, auctore C. Bell, ligatura unius vel plurium, non vero omnium venarum sufficit, quare ille chirurgus hancce operandi methodum adhibuit. Supra funiculum spermaticum incisuram per scrotum in plicam elevatum transversalem, deinde cautissime per tunicam vaginalem et cremasteris fibras usque ad venas varicosas perducit. Quo facto, unam, quae quam ma- xime amplificata est, venarum a ceteris seiunctam, filo circumdat, et fili fines bis supra venam colligat. In gravioribus huius mali gradibus plures venae hoc modo tractantur. Delpech alio modo venas obliterare studuit. Fecit incisuram scroli unius digiti, deinde boletum igniarium digitum dimidium latum et duos digitos longum seiun- ctis venis subiecit, ita ut fines eius, quos emplastro adhaesivo firmavit, supra vulneris margines prominerent. Quo facto, in superficie venarum et tela cellulosa pro- pinqua orta est inflammatio, quae ad partes internas progressa venas obliteravit membranis earum internis non laesis. Quatuor diebus elapsis boletus est remo- vendus. — Transitum ad ligaturam subcutaneam metho- dus sistit, quam Regnauld proposuit. Vase nempe deferente et arteria spermatica caute semotis, pollice et indice sinistris omnia vasa cum adiacentibus scroti par- tibus tollit, pone quae filum ceratum perducit, cuius fmes supra brevem et crassum cylindrum linteum con- nectit. Postea supra novum cylindrum altius nectuntur, 2*