De textura et formatione spinarum et partium similium : dissertatio inauguralis quam consensu et auctoritate gratiosi medicorum ordinis in Universitate Litterarum Caesarea Dorpatensi ad gradum doctoris medicinae rite adipiscendum loco consueto publice defendet / auctor Gustavus Broecker.

  • Broecker, Gustav.
Date:
1849
Catalogue details

Licence: Public Domain Mark

Credit: De textura et formatione spinarum et partium similium : dissertatio inauguralis quam consensu et auctoritate gratiosi medicorum ordinis in Universitate Litterarum Caesarea Dorpatensi ad gradum doctoris medicinae rite adipiscendum loco consueto publice defendet / auctor Gustavus Broecker. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    8/32 (page 8)
    omnino apte dixit. Hac insertionis ratione spinae in superficie positionem semi- supinam, apicibus ad posteriora vergentibus, accipiunt. Rationes anatomicas folli- culorum singulorum infra explicaturi jam structuram spinarum ipsarum accuratius describemus. E pelle, qua in spiritu vini asservata ad instituendas has disquisitiones mihi uti licuit, singulae spinae facillime extrahi possunt. Spinae forma cylindracea sunt, et sursum ac deorsum paulatim acuuntur, ita ut maxima diametrus transversa fere in media parte sit. Longitudo spinarum secundum corporis partem, unde desumptae sunt, diversissima est; spinae enim in pectoris regione saepe tantum pollicem unum vel sesquipollicem, in tergo vero et lateribus fere sex pollices longae sunt. Non semper longitudini crassitudo respondet, quum haud raro spinae longissimae quidem, sed tenues reperiantur, praecipue in lateribus hystricis, ita ut setis validis simi- liores sint, aliae vero in media parte diametrum duarum linearum ostendant. Sur- sum spina paulatim directione recta in apicem acutum exit, deorsum vero diutius ambitum suum servat, et in finem obtusiorem paululum ad latus deflexum parvaque apertura infundibuliformi instructum, excurrit. Spinae spiritu vini asservatae infe- rior pars tertia facile comprimitur, apex vero et pars superior satis magna firmi- tate gaudent. Superficies externa tactu fere glabra est, nitida, plerumque ex fusco nigra et alba, qui colores annulorum magnorum forma ter quaterve se excipiunt; attamen etiam spinae omnino albae inveniuntur. Spina accuratius considerata extrin- secus plerumque sulci longitudinales leviter expressi conspiciuntur, qui in inferiore parte alter alteri proximi incipiunt, deinde spinae crassitudine crescente, magis magisque discedunt, postea vero ad superiorem partem versus rursus congrediuntur, neque tamen usque ad apicem decurrunt, sed jam multo ante evanescunt, ita ut, suprema spinae pars omnino glabra appareat; saepe vero etiam in partibus inferio- ribus superficies omnino plana est. Plerumque circiter viginti quatuor sulci ejus- modi leviores animadvertuntur Praeterea apex duabus cristis parvis acutis sibi oppositis peculiari ratione in lateribus in cuspidis modum acuitur. Ad investigandam et cognoscendam structuram spinae internam aptissima sunt tenuia segmenta transversa, ex quibus per compositionem etiam conspectum sectionis ongitudinalis nobis fingere possumus. Inermibus oculis subtiliores texturae rationes perspici nequeunt et ne microscopium simplex quidem oculum satis adjuvat; itaque ea statim describam, quae adhibito microscepio composito, quo diametrus rei inve- stigandae centuplo octogintuplo amplificabatur, a spinae apice incipiens in perscru- tandis segmentis transversis inveni. Apicis extremi segmentum nobis offert substantiam homogeneam, corneam, in qua textura certa animadverti nequit, nisi quod passim levissima indicia externorum