De textura et formatione spinarum et partium similium : dissertatio inauguralis quam consensu et auctoritate gratiosi medicorum ordinis in Universitate Litterarum Caesarea Dorpatensi ad gradum doctoris medicinae rite adipiscendum loco consueto publice defendet / auctor Gustavus Broecker.

  • Broecker, Gustav.
Date:
1849
Catalogue details

Licence: Public Domain Mark

Credit: De textura et formatione spinarum et partium similium : dissertatio inauguralis quam consensu et auctoritate gratiosi medicorum ordinis in Universitate Litterarum Caesarea Dorpatensi ad gradum doctoris medicinae rite adipiscendum loco consueto publice defendet / auctor Gustavus Broecker. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    13/32 (page 13)
    Jam quomodo totum illum processum animo nobis fingere possimus, explicare conabor. Omnia varia organa cornea, quae in superficie corporis animalium deprehen- duntur, ut ungues, ungulae, plumae, pili cet., e telis epithelialibus circa matricem propriam et in eadem accumulatis oriuntur. Haec matrix, ut vocari solet, sive pulpa, pars corii est magis evoluta, vasis nervisque abundans atque, ut tota cutis, epithelio circumdata Nutritio igitur largior hoc loco exorta occasionem novas cellulas formandi praebet; recens vero cellularum stratum proxime circa matricem sedem occupat cellulasque prius natas protrudit, et paulatim processu ejusmodi semper denuo repetito organa illa peculiari ratione mutata, pulpae formam tamen in universum servantia, procrescunt. Singulorum stratorum cellulae deinde varias mutationes subeunt, earum nuclei evanescunt, cellulae ipsae in lamellas mutantur, quae rursus in membranas borno- geneas coalescunt, in quibus resorptione progrediente quasi fenestrae, fissurae cet. oriri possunt; attamen omnes hae varietates tantummodo diversae manifestationes sunt legis histologico-typicae universalis, quam telarum epithelialium evolutio se- quitur J). Per matricem vero non solum incrementum efficitur, sed tela cornea in ea assurgens etiam ejus formam cum fide refert, quae tantum, quatenus cellularum fuxtappositio in certas directiones modificationes provocat, immutatur. Itaque jam id mihi agendum est, ut primum totius spinae formam, qualis e seg- mentis transversis erui possit, accuratius exponam, deinde pulpam describam et consensum inter utramque demonstrem. Spina igitur, ut supra jam diximus, efficit corpus cavum cylindraceum, sursum et deorsum paulatim in finem acutum decrescens, cujus superficies externa fere glabra apparet. Ad enucleandum vero, id quod difficilius est, quae sit conditio superficiei internae, animo nobis fingere debemus pulpam in spina sitam remotam esse; quo facto cavum in variis spinae regionibus, ut facile intelligitur, diversis- sime formatum, et a spinae fine infimo usque ad extremum apicem protractum exstat. Spinae igitur superficies interna hujus cavi terminos efficit, in quo considerando sub- stantiam medullarem et substantiam corticalem paulisper omittam. Prope apicem superficies interna omnino aequalis est et circuli instar cavum cingit. In regione ab apice' paulo remotiore illa in tres parietes dividitur, qui paululum concavi, ubi conveniunt, angulum efficiunt. In regione spinae etiam magis lj Jaesche, Dissertatio tle telis epithelialibus in genere et vasorum sanguiferorum parietibus in specie, Dorpati Livonor. 1847.