De textura et formatione spinarum et partium similium : dissertatio inauguralis quam consensu et auctoritate gratiosi medicorum ordinis in Universitate Litterarum Caesarea Dorpatensi ad gradum doctoris medicinae rite adipiscendum loco consueto publice defendet / auctor Gustavus Broecker.

  • Broecker, Gustav.
Date:
1849
Catalogue details

Licence: Public Domain Mark

Credit: De textura et formatione spinarum et partium similium : dissertatio inauguralis quam consensu et auctoritate gratiosi medicorum ordinis in Universitate Litterarum Caesarea Dorpatensi ad gradum doctoris medicinae rite adipiscendum loco consueto publice defendet / auctor Gustavus Broecker. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    11/32 (page 11)
    obscuris quasi rete efficientibus, quae pro lineis extremis cellularum haud regu- larium, polygoniarum, haberi posse videntur. De substantia intima nihil certi edici potest; cellularum ne vestigium quidem in ea conspicitur et modo passim leviter striata apparet. Jam vero segmenta transversa Kali *) imbuimus, ut trium illarum substantiarum differentium naturam accuratius cognosceremus. Segmentum transversum extremi apicis substantiam homogeneam nobis offert, in qua, adhibita per quadrantem horae solutione, cujus decima pars Kali est, ubique manifestae cellulae cum perspicuis nucleis, saepe granulis pigmenti cinctis apparent, quarum forma magis minusve poly- gonia est. Segmento transverso, in quo jam substantia illa centralis coloris ex cano flavescentis reperitur, disquisitioni subjecto, solutio supra dicta in hanc substantiam haud multum agit; nam pallidior quidem fit, paululum extenditur et passim striae obscurae apertius conspiciuntur, sed texturae cellularum primitivarum ne minima quidem indicia animadvertuntur. Si denique segmentum transversum ex media spinae parte sumptum, ubi structura interna maxime exculta est, et praecipue substantia media largissima reperitur, solutione supra nominata imbuimus, sub- stantia externa cornea, ut antea, cellulis proxime positis composita apparet, quae cellulae in exterioribus massae partibus forma polygonia instructae totius segmenti transversi peripheriae magis minusve respondentes coeunt, in interioribus vero par- tibus prope centrum sitis magis in longitudinem extractae et ita per seriem altera prope alteram collocatae sunt, ut disci foliorum lineas extremas magis minusve imitentur et inter folia atque in foliola progrediantur. Substantia media, solutione illa adhibita, etiam lucidior fit, bullaeque aeris frequentes evanescunt, atque eam quoque cellulis permagnis, inaequalibus, planatis, polygoniis, in quibus plerumque nuclei non conspiciuntur, compositam videmus. Substantia intima in ramulos se distribuens hic quoque texturam cellulosam non manifestat. Ad tria strata spinam hystricis constituentia, quae adhuc cognovimus, quarta accedit, quae tamen in segmentis solutione e Kali parata imbutis nondum apparet, sed aliis adhibitis reagentibus chemicis in conspectum venit. Etenim si segmentum transversum paulo crassius, postquam circiter sesquihoram acido sulphurico concen- trato expositum est, inter duas. lamellas vitreas premimus et terimus, membranam tenuem teneramque, quae lineis undulatis trajecta, per totam superficiem demonstrari possit, ab externo margine carptim solvi videmus. Facile intelligitur, hanc mem- ) Adnot. Kali praestantissimum auxilium notiis praebet ad cognoscendas telas corneas, quamdiu sin- gulae cellulae nondum inter se coaluerunt. Addita enim solutione ejus massae rigidae emolliuntur, Kali in cellulas se insinuat, totaque massa extenditur. Adjecta etiam aqua avidissime resorbetur atque substantia, hucusque saepe non pellucida, lucidior fit ejusque textura cognosci potest.