Disputatio medica inauguralis de purpura haemorrhagica / [John Webster].

  • Webster, John.
Date:
1822
Catalogue details

Licence: Public Domain Mark

Credit: Disputatio medica inauguralis de purpura haemorrhagica / [John Webster]. Source: Wellcome Collection.

    14/32 (page 10)
    febricitare videntur; vicibus nempe alternis, in¬ horrescunt et praeter naturam incalent: vultus quoque nonnunquam perinde erubuit, quasi fe¬ bris hectica exerceret. Multi tamen febris vacui sunt. Viscerum inflammatio subacuta quibus¬ dam accidisse apparet: dolor enim pectoris aut ventris penetralibus modo inhaesit, arteriis simul aliquantum concitatis. Fere semper equidem ar¬ teriae paulo crebrius quam corpore sano, atque languidius moventur. Non defuerunt, quibus contigere tussis, tensio ventris, et dolor ejusdem premente manu auctus ; porro actionis ventriculi turbatae notae, lingua sor¬ dida, alvus tarda, atque dejectiones nigrae. Aliis vires ciborum concoctrices intactae manserunt. Quod si jam diutius hic morbus traxerit, quantu¬ lumcunque valetudo initio lapsa fuerit, demum conquassari coepit (id quod fluxus ipse sanguinis moliri poterit), facies tandem fit lurida, summam animi et corporis resolutionem denuntiatura: homo tabescit, diroque hydrope intumescit. Quamdiu perstet haec valetudo, dubium est: modo diebus paucis exactis, in salutem aut mor¬ tem abiit, alias menses aliquot duravit. Non-