Documents sur les apothecaires et épiciers lillois avant 1586.

  • Leclair, Edmond, 1873-
Date:
1901
Catalogue details

Licence: In copyright

Credit: Documents sur les apothecaires et épiciers lillois avant 1586. Source: Wellcome Collection.

    19/30 (page 21)
    que pour paier ledict deu en l’acquit desdictz apprentis, sur une livre de chire de fourffaict au prouffict que dessus et toutesfois que aulcun feroit le contraire. III. Item que tousapprentifz soubz les branches de apothicaires, espessiers, boursiers, tachetiers, retorgeurs de filiez de lin escailleteurs 1 2, seront tenus estre deux ans subgetz soubz maistres ou maistresses avant pooir eslever ledict mestier. IIII. Item s’il advenoit que aulcuns quy sont tenus estre subgectz soubz maistre ou maistresse se partissent de la maison de leurs maistres paravant ledict terme de deux ans expiré, lesdicts maistres avecq quy ilz estoient demourans seront tenus denunchier ledict département aux maistres destictz stilz ende- dens ung mois enssievant ledict département et faire trachier 3 la notte dudict registre faisant mention desdicts compaignons départis, à péril de fourfaire deux livres de chire de douze sols au prouffict de ladicte chappelle. V. Item et quant ilz aueront faict et achevé lesdictes années, les maistres soubz quy ilz aueront esté le seront tenus dénonchier aux maistres d’iceulx stilz endedens ung mois enssievant l’accom¬ plissement desdictes années, sur telle amende que dessus. VI. Item que tous maistres desdictz stilz affranchiront tous leurs enffans, soient filz ou filles, en faisant iceulx enregistrer au registre-desdictz stilz; et ou cas toutesfois que telz enffans euissent esté nez depuis que leurs pères ou mères aueront acquis ladicte franchise et quy voldroient estre francqz, ils seroient tenus de faire telz debvoirs et payer comme les aultres sans ce que la franchise de leursdicts père et mère leur puist aidier ne valloir. VII. Item pareillement affranchiront lesdicts maistres leurs femmes en faisant icelles enregistrer au registre desdicts stilz, sans pour ce paier aulcun droict ; et sy polront touttes francques vesves desdicts stilz eux remariant à non francq affrancquir telz non francqz en payant néantmoings pour ledict affrancquissayge six livres applicables comme dessus. VIII. Item que touttes femmes vesves se meslant de l’un desdicts stilz en ceste dicte ville polront affranchir comme se 1. Retordeurs de fil de lin. 2. Couvreurs d’ardoises? 3. Effacer.